نابینا ڈیلی ویجز ملازماں دا مطالبیاں دے حق وچ اک واری فیر احتجاج
لاہور: پنجاب نابینا ڈیلی ویجز یونین اک واری فیر سڑکاں اُتے نکل آئی۔ نابینا افراد نے اپنے مطالبیاں دے حق وچ پریس کلب دے باہر احتجاجی مظاہرہ کیتا۔
نابینا افراد دے احتجاج کارن شملہ پہاڑی چوک دے آلے دوالے دیاں سڑکاں اُتے ٹریفک دا شدید دباؤ رہیا۔
مظاہرین دا کہنا سی کہ نابینا افراد نوں روزگار فراہم کیتا جاوے تے پنجاب حکومت اپنے پچھلے وعدیاں اُتے عمل کرے۔ انہاں آکھیا کہ جدوں تک مطالبے تسلیم نئیں کیتے جاندے، احتجاج جاری رکھیا جاوے گا۔
