ایشیائی ترقیاتی بینک ولوں پاکستان لئی 50 کروڑ ڈالر قرض دی منظوری
اسلام آباد: ایشیائی ترقیاتی بینک نے پاکستان لئی 50 کروڑ ڈالر قرض دی منظوری دے دتی اے۔ بینک دے اعلامیے مطابق ایہ قرض قدرتی آفتاں توں بعد فوری بجٹ معاونت فراہم کرن لئی دتا جاوے گا۔
2022 دے سیلاب نال پاکستان نوں 14.9 ارب ڈالر دا براہِ راست نقصان ہویا، جدکہ انہاں سیلاباں کارن 15.2 ارب ڈالر دے معاشی نقصانات ہوئے تے 91 لاکھ افراد غربت دا شکار ہو گئے۔
اعلامیے دے مطابق پاکستان دی ترقیاتی منصوبہ بندی وچ قدرتی آفتاں توں بچاؤ نوں شامل کیتا جاوے گا، آفتاں توں بعد مالی وسائل دی دستیابی بہتر بنائی جاوے گی تے پاکستان دا ڈیزاسٹر رسک فنانسنگ نظام مضبوط کیتا جاوے گا۔
پاکستان وچ قدرتی آفتاں توں متاثر ہون والے کمزور طبقیاں دا تحفظ یقینی بنایا جاوے گا۔
