جے یو آئی دے مولانا اویس 15 روزہ ریمانڈ اُتے پولیس دے حوالے

وکیل دا مؤقف، ایف آئی آر واقعے دے 3 دن بعد درج کیتی گئی، پراسیکیوٹر آکھیا خوف پھیلایا گیا، گروپ کیپٹن عاصم قتل کیس وچ استغاثہ دے 10 گواہاں دے بیان ریکارڈ

اسلام آباد: انسدادِ دہشت گردی عدالت دے جج ابوالحسنات ذوالقرنین نے جے یو آئی ف اسلام آباد دے امیر مولانا اویس عزیز نوں 15 روزہ جسمانی ریمانڈ اُتے پولیس دے حوالے کر دتا۔

مولانا اویس دے وکیل کامران مرتضیٰ نے جسمانی ریمانڈ دی مخالفت کردیاں آکھیا کہ پورے پروگرام دوران کوئی تنکا وی نہیں ٹٹیا سی۔ پراسیکیوٹر راجہ نوید نے آکھیا کہ جی ٹی روڈ بند کرن دی ترغیب دتی گئی، لوکاں نوں گھراں وچ محصور کیتا گیا تے خوف پھیلایا گیا۔ انہاں نے آکھیا کہ ہور تفتیش کرنی اے، اس لئی 30 دن دا ریمانڈ چاہیدا اے۔

دوجے پاسے فاضل عدالت وچ گروپ کیپٹن عاصم طارق قتل کیس وچ استغاثہ دے 10 گواہاں دے بیان ریکارڈ کر لیے گئے۔ عدالت نے استغاثہ دے باقی سارے گواہ اج طلب کر لیے۔