شہید میجر عمر ناصر تے حوالدار عدنان دی چکلالہ وچ نمازِ جنازہ ادا کر دتی گئی

نمازِ جنازہ وچ وزیراعظم شہباز شریف تے فیلڈ مارشل عاصم منیر دی وی شرکت، شہیداں نوں آبائی علاقیاں وچ پورے فوجی اعزازاں نال سپردِ خاک کیتا جائے گا۔

راولپنڈی، اسلام آباد

نوشکی وچ شہید ہون والے پاک فوج دے میجر عمر ناصر منہاس تے حوالدار محمد عدنان خان دی چکلالہ گیریژن راولپنڈی وچ نمازِ جنازہ ادا کر دتی گئی۔

نمازِ جنازہ وچ وزیراعظم شہباز شریف، چیف آف ڈیفنس فورسز فیلڈ مارشل سید عاصم منیر، وفاقی وزیر اطلاعات عطا تارڑ سمیت اعلیٰ سول تے عسکری حکام تے شہیداں دے اہلِ خانہ نے شرکت کیتی۔

شہیداں نوں انہاں دے آبائی علاقیاں وچ پورے فوجی اعزازاں نال سپردِ خاک کیتا جائے گا۔

میجر عمر ناصر منہاس تے حوالدار محمد عدنان خان نے 14 نومبر نوں ضلع نوشکی دے نیڑے جامِ شہادت نوش کیتا۔

پاکستان دیاں مسلح افواج تے پوری قوم شہیداں دی عظیم قربانی نوں خراجِ عقیدت پیش کردی اے۔ شہیداں دی بہادری، فرض شناسی تے وطن نال غیر متزلزل وابستگی قوم لئی فخر دا باعث اے۔

اپنا تبصرہ گھلو