پاکستان اوہناں خوش نصیب ملکاں وچ شامل اے جتھے کورونا کیساں دی تعداد گھٹ اے: وزیراعظم
اسلام آباد: وزیراعظم عمران خان آکھیا اے پاکستان اوہناں خوش نصیب ملکاں وچ شامل اے جتھے کورونا کیسز گھٹ ہوئے نیں۔ سماجی رابطے دی ویب سائٹ تے ٹویٹ کردیاں اک پیغام وچ وزیراعظم عمران خان آکھیا پاکستان اوہناں خوش نصیب ملکاں وچ شامل اے جتھے کووڈ 19کیسز گھٹ ہوئے، بدقسمتی نال گوانڈھی ملک بھارت وچ کیسز ودھے نیں۔ وزیراعظم نے آکھیا سادے ایتھے ہسپتالاں وچ کیسز تے ڈیتھ ریٹ وی گھٹ ہویا اے، ایہ سب سمارٹ لاک ڈاؤن تے ایس او پیز پاروں ممکن ہویا۔ اوہناں نے قوم توں اپیل کیتی کہ ایس او پیز تے عملدرآمد جاری رکھن تے عید الاضحی سادگی نال منان، پچھلی عید دی طرح ایس او پیز دی خلاف ورزی نہ کرن، انتظامیہ ایس او پیز تے سختی نال عملدرآمد کروائے۔
