منشیات، انسانی سمگلنگ، اسلحہ تے سائبر فراڈ سرحد پار جرائم نیں: وزیر اعلیٰ سندھ

کراچی: وزیراعلیٰ سندھ سید مراد علی شاہ نے سرحد پار جرماں دی روک تھام دے عالمی دن اُتے اپنے پیغام وچ آکھیا کہ منشیات، انسانی سمگلنگ، اسلحہ تے سائبر فراڈ سرحد پار جرائم نیں۔

سید مراد علی شاہ نے آکھیا کہ ترقی پذیر ملکاں وچ جرائم غربت، بدعنوانی تے عدم استحکام وچ اضافہ کردے نیں۔ اثاثیاں دی بازیابی تے مالیاتی تحقیقات دے ذریعے جرائم پیشہ نیٹ ورکس نوں مؤثر طریقے نال توڑیا جا سکدا اے۔

پاکستان وچ جرماں دی روک تھام قومی سلامتی لئی ضروری اے۔ سندھ حکومت نے منظم جرائم تے منشیات فروشناں خلاف کارروائی کرن دی ہدایت دِتی اے۔

سیف سٹی تے سمارٹ نگرانی دے نظام جرماں اُتے نظر رکھن وچ مددگار نیں۔ انسانی سمگلنگ، سائبر فراڈ تے منی لانڈرنگ روکّن لئی عالمی تعاون لازمی اے۔

انہاں عوام نوں خبردار کیتا کہ جعلی سرمایہ کاری دیاں سکیمیں تے آن لائن دھوکہ دہی توں ہوشیار رہن۔

اپنا تبصرہ گھلو