لہور: کورونا دی روک تھام لئی ، پنجاب حکومت نے اج رات پورے صوبے وچ مکمل لاک ڈائون دا اعلان کر دتا

لہور: صوبائی وزیر طلاعات ونشریات فیاض چوہان نے آکھیا کہ پورے پنجاب وچ سخت لاک ڈائون دا فیصلہ کیتا گیا اے ، تے ایس فیصلے اُتے اج رات توں عمل شروع کر دتا جائے گا ، صوبائی وزیر طلاعات ونشریات فیاض چوہان نے ہور آکھیا کہ اگلے بدھ تک مارکیٹیاں وچ سخت لاک ڈائون رہیے گا ، عید الفطر والے ایس او پیز دا نفاذوڈی عید اُتے ہوئے گا،مویشی منڈیاں وچ سخت ایس او پیز اُتے عمل کتیا جائے گا ، تھیٹرز، ہوٹل تے سیرگاہواں کھلون لی محرم توں بعدسوچ وچار کیتا جائے گا ، وڈی عید دے موقع تے کورونا وائرس دی روک تھام لئی پنجاب وچ ساریاں مارکیٹاں 10دن لئی بند کرن دا فیصلہ کیتا گیا اے ، مارکیٹاں بند کرن دی تجویز صوبائی وزیر ڈاکٹر یاسمین راشد نے دتی جس توں منظور کر لیتا گیا ، تے حکومت پنجاب دی کابینہ کمیٹی برائے انسداد کورونا نے فیصلے اُتے منظوری دے دتی ، جد کہ سیکر ٹری پرائمر ی اینڈ سیکنڈری ہیلتھ کیئر کیپٹن( ر) محمد عثمان اج نوٹیفکیشن جاری کرن گے ، ذرائع دے مطابق وڈی عید اُتے سیر گاہواں لئی دُجے شہراں تے صوبیاں وچ جاون اُتے پابندی لئی وی سوچ وچار کیتی جا رہیی اے تے بکر منڈی دا ٹائم ٹیبل اُتے وی غور کیتا جا رہیا اے ۔