کورونا وباء اجے تک موجود، ایس او پیز تے عملدرآمد کرنا ہووے گا، اسد عمر دی عوام توں اپیل

پشاور: اسد عمر نے عوام توں اپیل کردیاں آکھیا کورونا وباء اجے تک موجود اے، ایس او پیز تے عملدرآمد کرنا ہووے گا، حفاظتی تدابیر اختیار کر لین تے عید الاضحی دا مرحلہ وی لنگھ جائے گا۔ این سی او سی دے پشاور وچ اجلاس دے بعد وفاقی وزیر اسد عمر نے میڈیا نوں بریفنگ دیندیاں آکھیا خیبر پختونخوا وچ وباء دے کھلار وچ واضح کمی آ رہی اے، کورونا چیلنج نال نبڑن لئی صوبائی حکومت نے بھرپور کردار ادا کیتا۔ اوہناں آکھیا عید الاضحی ہر لحاظ نال اک وڈا دن اے، قربانی انج کرو کہ وباء وچ تیزی نہ آئے، عید نوں سادگی نال مناؤ، اپنی تے دوجیاں دی زندگی دی حفاظت ساڈے سب دی ذمہ داری اے۔ اسد عمر آکھیا مویشی منڈیاں وچ سماجی فاصلہ برقرار رکھدیاں ماسک دا استعمال کرو، پورے خطے وچ کورونا دے حوالے نال حوصلہ افزا صورتحال پاکستان وچ اے، عید تے عوام تفریحی مقامات تے جان توں گریز کرن، احتیاط دے نال عید الاضحی منان۔