اپوزیشن دی حکومت ڈیگن دی خواہش تن سال تک پوری نہیں ہوو ے گی: فیاض الحسن
لہور: فیاض الحسن چوہان آکھیا اے اپوزیشن دی حکومت ڈیگن دی خواہش تن سال تک پوری نہیں ہووے گی، احسن اقبال نیب دے چکر لا لا کے ذہنی توازن کھو بیٹھے نیں۔ وزیر اطلاعات فیاض الحسن چوہان دا کہنا سی 50دے قریب لیگی ارکان دے سرکار دے نال رابطیاں نے لیگی رہنماواں دی نیندراں اُڈا دتیاں نیں، باقی ارکان نوں متنفر ہون توں بچان لئی احسن اقبال پی ٹی آئی دے ارکان بارے بیانات دے رہے نیں، غیر متحدہ تے غیر منظم اپوزیشن جماعتاں عوامی اعتماد تے قائم پی ٹی آئی سرکار نہیں ڈیگ سکدیاں۔ فیاض الحسن چوہان دا کہنا سی کئی ورھیاں تک معیشت دا بیڑہ غرق کرن دے بعد ن لیگی رہنما سرکار نوں معیشت اُتے بھاشن دے رہے نیں، اج معتبر بین الاقوامی معاشی ادارے پاکستان دے معاشی انڈیکیٹرز دی بہتری دا اعتراف کر رہے نیں۔
