بجلی اے نہ پانی، کراچی والیاں تے رحم کیتا جائے: مصطفی کمال

کراچی: مصطفی کمال دا کہنا اے بجلی اے نہ پانی، کراچی والیاں تے رحم کیتا جائے، کراچی دی بیماری دا علاج ساڈے کول اے، کیہ شہری حکومت دے کول نالے صاف کرن دے وی اختیارات نہیں، جمہوری دہشت گردی نال شہر قائد تباہ ہو رہیا اے، سندھ نوں تقسیم نہیں کرن دیواں گے۔ پاک سرزمین پارٹی دے سربراہ مصطفی کمال نے میڈیا نال گل کردیاں آکھیا پاکستان تے کراچی تباہ ہو رہیا اے، لوکاں نوں مارن والے پروٹوکول وچ گھوم رہے نیں، کراچی دی عوام نوں کندھ نال لا دتا گیا اے، میئر کراچی دے کول اینے اختیارات نیں کچرا چُکیا جا سکدا سی، کراچی بیمار ہو گیا اے ایہدے چنگے ڈاکٹر اسیں آں۔ مصطفی کمال دا کہنا سی موجودہ حکمراناں دے ناواں نوں ای سی ایل وچ پاؤنا چاہیدا اے، اسیں وی سندھ دی تقسیم دی مخالفت کیتی پر سندھ سرکار آپ کراچی نوں تقسیم کر رہی اے، سندھ سرکار نے شہر نوں 6ضلعیاں وچ تقسیم کر دتا، ہن ضلع دی سطح اُتے تقسیم کرن جا رہی اے، سندھ سرکار تعصب دی بنیاد تے کراچی وچ کم کر رہی اے، کے پی کے توں لیا کے ضلع وسطی وچ ڈی سی لا دتا گیا۔