لہور ؛ فیصل آباد تے ہور شہراں وچ دکاناںکھولن دی کوشش ناکام

لہور: پنجاب وچ تاجراں نے سمارٹ لاک ڈائون نوں مستر د کر دتا ۔ لہور ، فیصل آباد تے ہور شہراں اندر دکاناں کھولن دی کوشش نوں پولیس نے ناکام بنا دتا۔ مزاحمت کرن اُتے کئی تاجراں نوں پھڑ لیتا گیا ۔عید اُتے کورونا نوں پھیلن تو روکن لئی سمارٹ لاک ڈائون دا اج پہلا دن اے لیکن کاروبار بند رکھن دے آرڈر نوں تاجراں نے مسترد کر دتا ،لہور ، راولپنڈی ، جھنگ تے کئی شہراں وچ تاجراں نے دکاناں کھولن دی کوشش کیتی ، لہور اعظم کلاتھ مارکیٹ د ی انتظامیہ تے پولیس وچ تلخ کلامی ہو گئی ۔فیصل آباد وچ انجمن تاجران ولوں ریل بازار توں گھنٹہ گھر تک ریلی کڈی گئی م، تاجراں نے آکھیا کہ کاروبار پہلاں ہی بوہت نقصان وچ جا رہیے نیں ،ہور برادشت نہیں کراں گے ۔دکاناں کھولن اُتے پولیس وی حرکت وچ آ گئی تے فوری بازاراں وچ پہنچ گئی ، جوابی ایکشن کر کے دکاناں بندا کرایاں گیاں ، تلخ کلامی تے مزاحمت کون والے تاجرااں نوں گر فتار کر لیتا گیا ۔پنجاب وچ اج توں 5اگست تک لاک ڈائون رہے گا ، سب بازار ، شاپنگ سنٹرز، شادی ہال، بازار ، ہوٹل وی مکمل طور تے بند رہیون گے ، میڈیکل سٹورز،سبزی ، کریانہ سٹور ، بیکری، دودھ م، دہی ، دی دکاناں کھولن دی اجازت اے ۔