وزیر اعظم عمران خان نے 9اگست نوں ٹائیگر فورس ڈے مناون دا اعلان کر دتا

اسلام آباد: وزیر اعظم عمران خان 9اگست نوں ٹائیگر فورس ڈے مناون دا اعلان کر دتا ۔ اوہناں آکھیا کہ شجر کاری مہم وچ ٹائیگر فورس دی مہم دا خود حصہ بناں گا ۔وزیر اعظم عمران خان نے ٹائیگر فورس نوں پیغام دیندیاں ہوئیاں آکھیا کہ ارکان اسمبلی تے وزارائے اعلیٰ وی ایس مہم وچ حصہ لیون گے ،2023تک 10ارب درخت لگائے جاون گے ، آلودگی دی وجہ توں لوکاں دی صحت اُتے بوہت بُرا اثر پے رہیا اے ، گلوبل وارمنگ دے باعث پاکستان 10متاثرہ ملکان وچ شامل اے ،9اگست نوں ملک وچ شجر کاری کرن گے ، پاکستان وچ آلودگی، گلوبل وارمنگ دے باعث درخت لگانا بوہت ضروری نیں ، ٹائیگر فورس شجر کاری مہم دی قیادت کرے گی ۔ایس تو پہلاں وزیر اعظم عمران خان نال معاون خصوصی عثمان ڈار نے ملاقات کیتی جس وچ ملک اندر ٹائیگر فورس ڈے مناون دی تیاریاں اُتے مشاورت کیتی گئی ، ٹائیگر فورس بارے چین ولوں لکھیا گیا اے کہ عمران خان نے عالمی سطح اُتے ٹائیگر فورس دی پذائرائی اُتے مسرت دا اظہار کیتا تے ٹائیگر فورس نوں متحرک رکھن اُتے عثمان ڈار نوں شاباش دتی ۔