پاکستانی کوروناتوں ودھ مہنگائی توں پریشان

اسلام آباد: پاکستانی عوام بیروز گاری تے مہنگائی لئی کورونا تو ودھ کے فکر مند ہو گئے ، عوام دی ایہ رائے بین الاقوامی ریسرچ کمپنی اپسوس ولوں ساہمنے آئی ۔سروے توں پتہ چلیا کہ مارچ دی نسبت جون وچ لوکاں دی معیشت اُتے اعتماد ہور گھٹ گیا ۔ اپسو س پاکستان وچ گلوبل کنزیو مر کا نفیڈنس انڈیکس ( جی سی سی آئی ) لئی سروے دا انعقاد کر دی اے جس نوں عام طور تے نیشنل انڈیکس دا نام دتا جاندا اے۔جون وچ پاکستان دا جی سی سی آئی اسکور سب توں گھٹ 22رہیا ،عالمی جی سی سی آئی اوسط 45.1سی ، سروے توں ایہ گل ساہمنے آئی کہ صارفین وچ اعتماد دی سطح بوہت ڈگ چکی اے تے اوہ سرمایہ کاری دے فیصلے کرن وچ ہچکچاہٹ دا شکار سن ، اوہ ملکی معیشت دے مستقبل تے روزگار بارے وی پُر امید نہیں سن ، روزگار تے محرومی دا خوف وی تین مہینے پہلاں ہی ودھ گیا سی سروے وچ شامل 86فیصد لوکان نے آکھیا کہ بیروز گاری اوہناں لئی سب توں وڈا مسئلہ اے سی ، 83فیصد نے ودھددی ہوئی مہنگائی نوں سب توں زیادہ فر انگیز تے پریشان کن مسئلہ قرار دتا ۔