معاون خصوصی ڈاکٹر ظفر مرزا نے وی استعفیٰ دے دتا

اسلام آباد :وزیر اعظم دے معاون خصوصی ڈاکٹر ظفر مرزا نے وی استعفیٰ دے دتا ، اوہناں نے آکھیا کہ عمران خان دے آکھن اُتے پاکستان آیاں ساں ۔ڈاکٹر ظفر مرزا نے سماجی رابطے دے ویب سائٹ اُتے ٹویٹ کر دیاں آکھیا کہ پوری تندہی تے ایمانداری نال کام کیتا ، پاکستان دی خدمت میرے لئی کیسے اعزاز توں گھٹ نہیں ، ایس وقت عہدہ چھڈیا جد کہ کورونا گھٹ رہیا اے ، معاونین اُتے تنقید دے باعث مستعفی ہوون دا فیصلہ کیتا۔ پاکستانی شہریاں نوں صحت لئی زیادہ سہولتاں دی ضرورت اے ، شعبہ صحت وچ بہتری لئی مخلص ہو کے کم کیتا ۔ ایس توں پہلاں تانیہ ایدروس نے استعفیٰ دتا ، وزیر اعظم عمران خان دی معاون خصوصی برائے ڈیجیٹل پاکستان تانیہ ایدروس نے اپنے استعفے دی کاپی سماجی رابطے دی ویب سائٹ اُتے شیئر کیتی ۔استعفے وچ تانیہ ایدروس نے آکھیا کہ ایس سال دی شروعات توں پاکستان لئی خدمتاں انجام دینا میرے لئی باعث عزت اے ، وزیر اعظم عمران خان دے اعتماد لئی اوہناں دی شکر گزار واں ۔عمران خان نوں گھلے گئے استعفے وچ تانیہ ایدروس نے ہور آکھیا کہ اوہ صرف و صرف پاکستان دی خدمت تے وزیر اعظم دے ڈیجیٹل پاکستان دے وژن لئی اپنا کردار ادا کرن لئی آئیاں سن ، میری کینڈا دی شہریت اُتے تنقید کیتی جا رہیی اے ، جد کہ میری خواہش اُتے مینوں نہیں ملی بلکہ میری پیدائش ہی اوتھوں دی اے ، میری دوہری شہریت دی وجہ توں ڈیجیٹل پاکستان دا مقصد گھٹ رہیا اے ۔تانیہ ایدروس نے آکھیا کہ اوہ پاکستانی نیں تے ہمیشہ پاکستانی رہن گیاں ، بلکہ میں بغیر کسی عہدے توں وی ڈیجیٹل پاکستان دے ویژن لئی کم جاری رکھاں گی ۔