ریلوے ملازماں لئی خوشخبری، الاؤنس 25فیصد تک کرن دی منظوری
اسلام آباد: وزیر ریلوے شیخ رشید نے سکیل 4توں 16تک دے ریلوے ملازماں دے ٹیکنیکل الاؤنس نوں 25فیصد کرن دی منظوری دے دتی جہدے تے ریلوے مزدوراں نے 5اگست نوں ہڑتال دی کال واپس لے لئی۔ وزیر ریلوے شیخ رشید نال ریلوے دی 8مزدور تنظیماں تے مشتمل مزدور اتحاد دے وفد نے ملاقات کیتی تے اپنے مطالبات توں آگاہ کیتا۔ شیخ رشید نے ریلوے ملازماں دے جائز مطالبات تسلیم کر لئے جہدے تے مزدور اتحاد نے 5اگست نوں ریلوے مزدور دی ہڑتال دی کال واپس لے لئی۔ شیخ رشید نے ریلوے ملازماں دے سکیل 4توں 16تک دے ٹیکنیکل الاؤنس وچ فوری طور تے 25فیصد کرن دی منظوری دے دتی جد کہ وزیر ریلوے نے گریڈ اک توں 16تک اپ گریڈیشن جلد کرن دی یقین دہانی وی کروا دتی۔
