عمران، مہاتیر تے ساڈی داخلی صورتحال

لکھت:سعد اللہ شاہ

اک سمندر ہو کوئی اور وہ لب جو آئے
کیوں نہ اظہار کون آنکھوں میں آنسو آئے
خوش گمانی نے عجب معجزہ سامانی کی
اب ہمیں کاغذی پھولوں سے بھی خوشبو آئے
گل ایہہ وے کہ میں رجائیت پسند آں۔ کوشش کرنا واں کہ معاملات دے راہ پہلوئواں نوں ویکھیا جائے پر کبوتر وانگوں اکھاں تے بند نہیں کیتیاں جا سکدیاں جیہڑی شے ہویدا ہوا توں صرف فلسفے دے زور اُتے رد کیتا جا سکدا اے۔ غالب دی طرح کہیا جا سکدا اے کہ نہ اسیں سمجھے نہ تسیں آئے کدھروں۔ ’’پسینہ پونچھئے اپنی جبیں سے‘‘۔ تے خوش گمانی یا امید وچ اسیں بند نیازی وانگوں وی سوچ سکنے آں کہ اواز دے کے ویکھ لوئو شاید اوہ مل ای جائے نہیں تے ایہہ عمر بھر دا سفر رائیگاں تے اے۔
خان صاحب دی گل من لینے آں کہ دو ورہے مشکل لنگھ گئے تے ہن اگے ودھن دا ویلا آ گیا اے پر قرائن تے کجھ ہور کہہ رہے نیں۔ مہنگائی تے ٹٹے ہوئے بندے نکلن والے پانی وانگوں شگاف نوں ودھاندی جا رہی اے۔ کوئی رکاوٹ کارگر نہیں۔ مسئلہ تے ایس ویلے ہے ای معیشت۔ اگے کتھے ودھنا اے تے کس نے ودھنا اے۔ کوئی بندا تے انج دا وکھائی نہیں دیندا کہ جس وچ کوئی تدبر، سنجیدگی یا وژن نظر آئے۔ کوئی وزیر یا مشیر ہر کوئی منہ کھول دیندا اے تے بے ربط و بے معنی بیانات برآمد ہون لگدے نیں ہور تے ہور تہاڈے کے پی کے دی میٹرو ای ہن تیکر اک معمہ بنی ہوئی اے۔ ایہہ تے نمونہ اے مشت از خروارے، تسیں کہہ رہے او کہ کشتیاں ساڑ دیو ہن پچھے مڑ کے ویکھیا نہیں۔ قبلہ ایہہ کس دیاں کشتیاں تسیں ساڑیاں نیں۔ طارق بن زیاد بننا اے تے کشمیر دا سوچو۔ فی الحال تسیں پچھے مڑ کے ویکھو کہ نال چلن والے نظریاتی لوک کتھے رہ گئے۔
کوئی پلکوں میں لے کر وفا کے دیے
دیکھ راہوں میں بیٹھا ہے تیرے لیے
پر تسیں تے اپنی وفا نبھا رہے او، کسے نوں اسیں نہ ملے تے سانوں تے نہ ملیا والا معاملہ اے۔ تہاڈے فیورٹ فرما رہے نیں کہ لہور نوں وسان جا رہے او تے ایہہ کہ پاکستان دی شفاف ترین حکومت پی ٹی آئی دی اے۔ لہور تے داتا دی نگری اے ایہہ آباد ای اے تے رہوے گی۔ مسئلہ تے ایس دے تعمیراتی کم دا اے جیہڑا فی الحال رکیا ہویا اے ۔ اورنج ٹرین ای نوں لے لوئو، وعدہ فردا ایہہ تسیں ٹال رکھیا اے۔ کدی کدی ٹرائی ٹرین گزار دتی جاندی اے پر ہن تے تسیں صاف آکھ دتا کہ ایہہ ترقی دی علامت نہیں کہ ایس اُتے سبسڈی دا خرچ اٹھے گا۔ گویا کہ تسیں اینوں نہ چلان دا فیصلہ کر لیا تے قبلہ فیر اک نایاب نسخے اُتے عمل کرو۔ ایہہ جیہڑے ارباں روپئے ایس اُتے اٹھے نیں ایہہ قومی نقصان کون پورا کرے گا۔ تسیں ایس اُتے بازار کھول دین یا ایس دا کوئی ہور محدود استعمال کڈ لین تاں جے تہانوں کجھ نہ کجھ ریونیو آ جائے۔ تہاڈی ہر ترقی وچ اپوزیشن رکاوٹ اے تے بقول تہاڈے اوہ دو ورہے این آر او منگدے رہے۔ چلو تسیں نہیں دتا پر قوم پچھن وچ حق بجانب اے کہ ایہناں نوں یعنی عوام نوں کیہ ملیا۔ تنگ آئے ہوئے لوک ایہناں ای چور ڈاکوئواں نوں کیو ں یاد کر رہے نیں۔ لوک تہاڈے نال اگے ودھن دی بجائے مراجعت دا کیوں سوچدے نیں۔ ’’لوٹ پیچھے کی طرف اے گردش ایام تو۔‘‘ انور ملک دا شعر یاد آ گیا:
تارے توڑ کے لے آئوں گا امبر سے
لیکن آنے جانے میں کچھ دیر لگے گی
میں ایہناں دے نیڑے بیٹھا سی۔ ایہناں دا وزن وی کجھ زیادہ ای سی۔ میں کہیا ملک صاحب دیر تے فیر لگے گی۔ بہرحال کہنا واں میں اوہ ای گل سمجھنا واں جس نوں حق۔ تسیں غور تے کرو کہ تسیں کر کیہ رہے او۔ چینی تے آٹا مافیا تے تہاڈے توں کنٹرول نہیں ہو سکیا۔تسیں اپنے ای لوکاں نوں سزا دے کے مثال بنائو تے گل بن جاندی، اوہ تے باہر نس گئے یا وزارتاں بدل کے بہہ گئے۔ تہاڈے دور وچ ایشوز وی بوہت اٹھے۔ عوام دا غیظ و غضب اپنی تھاں ٹھیک اے آخر ایہہ انتشار ودھان دی کوشش کرن والے تہاڈے نوٹس وچ کیوں نہیں۔ فواد چوہدری ہے تے اوہ مذہبی سرکردہ لوکاں نال پنگا لیندے نظر آندے نیں۔ ہر سو اک بے سکونی تے بے برکتی اے:
تم ہی نہ سن سکے اگر قصہ غم سنے گا کون
کس کی زبان کھلے گی پھر ہم نہ اگر سنا سکے
میں کوئی حکومت دا دشمن نہیں۔ اسیں عوام ای تے خان صاحب نوں لیان والے آں ایسے لئی موجودہ افراتفری اُتے تشویش وی سانوں اے۔ تبدیلی دا سوچن والے آپ مذاق بن گئے نیں۔ تبدیلی تبدیلی کرن والے مزید تبدیل ہو کے یا تے دوجے پاسے جا رہے نیں یا آرام نال بہہ گئے نیں کہ اسیں باز آئے انج دی محبت توں چک لوئو پان وان اپنا۔
جناب! ایہہ کوئی ہوائی تے مافوق الفطرت گلاں نہیں زمینی حقائق نیں۔ دوائیاں دیاں قیمتاں وچ 400 فیصد وادھا ہویا تے غریب تے بالکل مارے گئے۔ مہنگائی دا چالی سالہ ریکارڈ توڑ گیا۔
دکھ تو یہ ہے اس نے ہی لوٹا ہے ہم کو
جس کے لیے گھر بار لٹایا جا سکتا تھا
تے آخری گل ایہہ کہ سانوں مہاتیر نوں سلام پیش کرنا اے کہ جیہڑے کشمیر دے حوالے نال خم ٹھونک کے اگے آ گئے تے کہیا کہ ایس مسئلے وچ چپ کوئی آپشن نہیں۔ پام آئل اُتے پابندی کوئی حیثیت نہیں رکھدی، اوہ بھارت دے خلاف اپنی رائے توں دستبردار نہیں ہون گے۔ بھارت نوں ایہہ بدمعاشی بند کرنی ہوئے گی۔ ایس حوالے نال عمران خان دی تعریف ای ایہناں دا حق اے کہ ہن اوہناں نے سٹینڈ تے لیا اے تے ایسے طرح اسیں چین دے وی نیڑے جا رہے نیں۔ اسیں پہلے وی غلطی کیتی سی کہ مہاتیر تے اردوان دی کل اُتے بلکے اپنی ای تجویز اُتے رکھی گئی کانفرنس وچ شرکت نہیں کیتی سی۔ لگدا اے خارجہ پالیسی بہتر جا رہی اے پر داخلی صورتحال خاص طور تے مہنگائی تے افراتفری رکھنی چاہیدی اے۔ اک شعر:
نیچی پرواز میں اڑنا نہیں آتا ہم کو
اونچا اڑتے ہیں تو اس جسم سے پرجاتے ہیں