پشاور دے عوام نوں اک ہور جھٹکا، بی آر ٹی منصوبے تے کوئی سبسڈی نہیں ملے گی

پشاور: خیبر پختونخوا حکومت دے پشاور وچ میگا پراجیکٹ بی آر ٹی وچ کسے قسم دی سبسڈی نہیں دتی جاوے گی، بی آر ٹی دا کرایہ لوکل ٹرانسپورٹ توں وی ودھ ہون دا امکان اے۔

حکومت نے واضح اعلان کر دتا۔ صوبائی وزیر اطلاعات پنجاب شوکت یوسفزئی آکھیا اے بی آر ٹی شروع کرن توں پہلاں ای ایہ گل طے کر لئی گئی سی کہ عوام نوں سبسڈی نہیں دتی جاوے گی، فی کلومیٹر پنج روپے دے حساب نال کرایہ وصول کیتا جاوے گا۔ پچھلے دو ورھیاں توں بی آر ٹی دے مکمل ہون تے ویلے دے بچت دے نال نال سستا سفر کرن دی آس لئے پشاور دے عوام نے سبسڈی نہ دین تے انتہائی مایوسی دا اظہار کیتا۔

اوہناں دا کہنا اے حکومت اپنے اخراجات گھٹ کرے تے عوام نوں سبسڈی دتی جاوے۔ پشاور وچ جنرل بس سٹینڈ توں حیات آباد تک لوکل ٹرانسپورٹ دا کرایہ 50روپے اے جد کہ ایسے روٹ تے بی آر ٹی دا کرایہ 60توں 65روپے مقرر کرن دی تجویز اے۔