وزیراعظم عمران خان دا مثبت معاشی رجحان تے اطمینان دا اظہار

اسلام آباد: وزیراعظم عمران خان نے پاکستان دی معاشی صورتحال تے اطمینان دا اظہار کردیاں آکھیا اے ترقیاتی منصوبیاں تے پیشرفت یقینی بنان نال معاشی عمل وچ تیزی آوے گی۔

تفصیل دے مطابق وزیراعظم عمران خان دی زیر صدارت معاشی ٹیم دا اہم اجلاس ہویا جہدے وچ حماد اظہر، خسرو بختیار، اسد عمر، عمر ایوب، حفیظ شیخ، ڈاکٹر عشرت حسین، اٹارنی جنرل تے فردوس عاشق نے وی رلت کیتی۔

اجلاس وچ وزیراعظم نوں ترقیاتی منصوبیاں وچ پیشرفت لئی کیتے گئے اقدامات تے بریفنگ دتی گئی تے دسیا گیا کہ پچھلے ورھے دے مقابلے وچ ایس ورھے برآمدات 6فیصد ودھیاں۔

معاشی ٹیم دے اجلاس وچ ملک دی معاشی صورتحال تے عدالتاں وچ فیڈرل بورڈ آف ریونیو دے زیر التو مقدمیاں دا وی جائزہ لیا گیا۔

وزیراعظم عمران خان نے مثبت معاشی رجحان تے اطمینان دا اظہار کردیاں آکھیا ترقیاتی منصوبیاں تے پیشرفت یقینی بنان نال معاشی عمل تیز ہویا۔

اجلاس نال خطاب وچ وزیراعظم عمران خان دا کہنا سی معاشی استحکام تے نوجواناں دے نوکریاں دے مواقع پیدا کرنا سرکار دی اولین ترجیح اے۔ سرکار دی ساری توجہ عام بندے نوں ریلیف فراہم کرن تے مرکوز اے۔