ملک وچ کورونا نال ہور 4مریض اللہ نوں پیارے ہو گئے ، موتاں دی مجموعی تعداد6235ہو گئی
اسلام آباد ( بھلیکھا ٹی وی ) ملک وچ کورونا نال ہور4مریض اللہ نوں پیارے ہوئے،۔ بیماری نال جاں بحق ہوون والے مریضاں دی ٹوٹل تعداد6235ہو گئی ۔
ملک وچ کورونا دا زور ٹُٹن لگا پیا ، وائرس نال موتا ں گھٹن لگ پیاں ، پچھلے24گھنٹے دے دوران صرف4موتاں ہوئیاں ، مزید 591مریض ساہمنے آئے ، کورونا مریضاں دی تعداد2لکھ 92ہزار765تک پہنچ گئی ، بیماری نال 2لکھ 75ہزار 836افراد صحت یاب ہو گئے ۔
نیشنل کمانڈ آینڈ آپریشن سنٹر دی تازہ رپورٹ دے مطابق کورونا دی شدت وچ بوہت کمی ہوئی اک دن وچ سب توں گھٹ 4موتاں ہوئیاں ،پچھلے 24گھنٹے وچ591افراد کورانا وائرس دا شکار ہوئے ، ملک وچ کورونا دے مریضاں دی تعداد2لکھ92ہزار765تک پہنچ گئی ۔
صوبہ سندھ وچ اک لکھ 27ہزار965 مریضاں نال سر فہرست نیں ، پنجاب 96ہزار 178تے خیبر پختونخوا وچ35ہزار750مریض ساہمنے آ چکے نیں، اسلام آباد 15ہزار493تے بلوچستان وچ 12ہزار 507مریض ساہنمے آئے، ملک وچ ایکٹو کیساں دی تعداد10ہزار694رہ گئی ، ہن تک2لکھ75ہزار836متاثرین صحت یاب ہو چکے نیں ۔





















