پاکستان نے پاک چین وزرائے خارجہ ڈائیلاگ دے مشترکہ اعلامیہ تے بھارتی بیان رد کردتا

اسلام آباد: ترجمان دفتر خارجہ نے پاک چین وزرائے خارجہ ڈائیلاگ دے سانجھے اعلامیہ تے بھارتی بیان نوں رد کر دتا اے۔ ترجمان دفتر خارجہ نے پاک چین وزرائے خارجہ ڈائیلاگ دے مشترکہ اعلامیہ تے بھارتی بیان نوں رد کردیاں آکھیا اے بھارتی وزارت خارجہ دے ترجمان دا بیان بلاجواز تے غیر ذمہ دارانہ اے ایس لئی بھارتی بیان نوں سختی نال رد کرنے آں، بھارتی وزارت خارجہ ولوں جموں و کشمیر نوں خود ساختہ اٹوٹ انگ قرار دینا مضحکہ خیز اے، بھارتی بیان سلامتی کونسل دی قرارداداں تے تریخی و قنونی حقائق دے برخلاف اے۔

ترجمان دفتر خارجہ زاہد حفیظ چودھری دا کہنا سی بھارتی دعویاں دی کوئی بنیاد نہیں، سی پیک دے خلاف بھارتی پروپیگنڈے کو بھی رد کرنے آں، بھارت عالمی برادری نوں گمراہ کرن لئی مایوس کن حد تک کوششاں کر رہیا اے، بھارت دا ایس ایشو تے کوئی تریخی، قنونی یا اخلاقی جواز نہیں اے جد کہ بھارت دے جھوٹے دعوے حقائق نہیں جھٹلا سکدے۔

ترجمان دفتر خارجہ آکھیا مقبوضہ کشمیر وچ بھارتی ریاستی دہشت گردی نوں جھٹلایا نہیں جا سکدا۔

اپنا تبصرہ گھلو