کالعدم تنظیماں تے نویں پابندیاں نہیں لائیاں، پاکستان نے بھارتی دعویٰ رد کر دتا

اسلام آباد: پاکستان نے کالعدم تنظیماں طالبان، داعش یا انفرادی طور تے نویں پابندیاں نہیں لائیاں جد کہ نویں پابندیاں دے حوالے نال بھارتی دعویاں نوں رد کرنے آں۔

ترجمان دفتر خارجہ آکھیا وزارت خارجہ نے 18اگست نوں اقوام متحدہ دی پابندیاں دے تحت طالبان القاعدہ تے داعش بارے دو جامع نوٹیفکیشن جاری کیتے جہناں وچ اقوام متحدہ سکیورٹی کونسل پابندیاں دے حوالے نال نامزد بندے تے تنظیماں دے ناں درج نیں، جامع ایس آر اوز فوقتاًفوقتاً معمول دے مطابق جاری کیتے جاندے نیں۔ ترجمان دفتر خارجہ آکھیا عالمی ذمہ داریاں نوں پورا کرن لئی ماضی وچ وی اجہے ایس آر اوز جاری کیتے جاندے رہے نیں، پچھلے ایس آر او 2019وچ جاری کیتا گیا تھا، پاکستان ایہناں ایس آر اوز دے تحت نویں پابندیاں نہیں لا رہیا، بھارتی میڈیا ولوں ایہناں فہرستاں وچ درج ناواں دے حوالے نال دعویٰ کیتا جانا کہ پاکستان ایہناں دی موجودگی تسلیم کردا اے، بے بنیاد پروپیگنڈا اے۔

ترجمان آکھیا ایس آر اوز وچ درج بندے یا تنظیماں پہلاں توں ای پابندیاں دی زد وچ نیں، ایہ پابندیاں نویں نہیں۔

اپنا تبصرہ گھلو