راولپنڈی وچ روٹی تے نان دی قیمتاں وچ وادھا
راولپنڈی: آٹے تے میدے دی قیمتاں وچ مسلسل وادھے پاروں نان بائیاں نے روٹی تے نان دی قیمتاں وچ وی بے پناہ وادھا کر دتا۔
نان بائیاں دی دووں وڈی تنظیماں متحدہ تے آل پاکستان نان بائی ایسوسی ایشن نے ازخود قیمتاں ودھائیاں تے باقاعدہ نویں ریٹ لسٹ وی جاری کر دتی گئی اے جہدے مطابق پتیری روٹی 7روپے توں 20روپے، خمیری روٹی 12روپے توں 15روپے، نان 15روپے توں 18روپے، تندوری پراٹھہ تے روغنی نان 25روپے توں 30روپے کر دتا گیا جد کہ اپنے گھراں دے آٹے نال روٹی پکائی 7روپے فی روٹی کر دتی گئی۔
ایسوسی ایشن دے مرکزی صدر شفیق قریشی دا کہنا اے کہ آٹے تے میدے دی قیماں وچ بے پناہ وادھے نال روٹی تے نان دی قیمتاں وچ وادھا مجبوری بن گئی سی۔
مہنگا آٹا لے کے سستی روٹی نان ویچ نہیں سکدے جد کہ انتظامیہ نے پیر 24اگست توں نان بائیاں خلاف کریک ڈاؤن دا فیصلہ کیتا اے۔
Load/Hide Comments





















