ثبوت بہت دتے پر فیر شیراں دے لک وچ پیڑ شروع ہو جاندی اے: شہباز گل
اسلام آباد: وزیراعظم دے معاون خصوصی ڈاکٹر شہباز گل نے مریم اورنگزیب دے ٹویٹ تے ردعمل دیندیاں آکھیا اے ثبوت بہت دتے نیں پر فیر شیراں دی لک وچ پیڑ شروع ہو جاندی اے۔
ڈاکٹر شہباز گل نے لکھیا فیر ایہناں دی زندگی خطرے وچ پیندی اے، آخر کار اوہ دوائی لین لندن بھج جاندے نیں۔
اتوار نوں اپنے اک ٹویٹ وچ اوہناں آکھیا جھوٹ بول کے تہانوں اینی عادت ہو گئی اے کہ ہن تے بغیر شرمندگی کہ تسیں روانی نال جھوٹ بول سکدیاں او ایسے پاروں بڑی ترقی کیتی اے تسیں۔
اوہناں نے اک ہور ٹویٹ لکھیا مسلم لیگ (ن) تے پیپلزپارٹی حکومت بار بار ڈیمانڈ کر رہی اے کہ عاملہ 2010ء وچوں نیب دا ذکر ہٹا دتا جائے۔
اوہناں دا کہنا سی جے سرکار ایہ من لوے تے شہباز شریف تے اوہناں دے خاندان تے پیپلزپارٹی دے منی لانڈرنگ کیس تقریباً ختم ہو جان گے۔ ایہ اے اوہ این آر او جو اپوزیشن عمران خان توں منگ رہی اے پر خان نہیں دیوے گا۔





















