سندھ سرکار نے طلبہ تنظیماں دی بحالی دا اصولی فیصلہ کر لیا
کراچی: حکومت سندھ نے طلبہ تنظیماں دی بحالی دا فیصلہ کر لیا اے۔
ایس حوالے نال بل نوں صوبائی اسمبلی وچ پیش کیتا جاوے گا۔ صوبائی مشیر قنون مرتضیٰ وہاب دا ایس حوالے نال کہنا سی کہ چیئرمین پیپلزپارٹی بلاول بھٹو دے بعد وزیراعلیٰ نے وی تنظیماں دی بحالی دی حمایت کر دتی اے۔
ایہنوں جلد کابینہ توں منظوری دے بعد سندھ اسمبلی وچ پیش کراں گے۔
اودھر حکومت دی ایس معاملے تے گل کرن تے وزیر سائنس اینڈ ٹیکنالوجی فواد چودھری دا کہنا اے کہ اوہ طلبہ تنظیماں دی بحالی دے حق وچ نیں پر کجھ تحفظات ماضی قریب دے حوالے نال نیں، جتھے کجھ سیاسی جماعتاں ایہناں نوں استعمال کردیاں رہیاں۔
اسلام آباد وچ مائیکرو سافٹ امیجین کپ دی افتتاحی تقریب وچ خطاب کردیاں فواد چودھری آکھیا آکسفورڈ، کیمبرج تے ہاورڈ وچ سٹوڈنٹ یونیناں اسلحہ تے تشدد دے بغیر اپنا کردار ادا کر رہیاں نیں، پاکستان وچ وی اجہے سٹرکچر دی لوڑ اے۔
