مخالفاں دی تنقید برائے تنقید دی کوئی پرواہ نہیں: وزیراعلیٰ عثمان بزدار

لہور: وزیراعلیٰ پنجاب عثمان بزدار آکھیا اے مخالفاں دی تنقید برائے تنقید دی کوئی پرواہ نہیں، بے بنیاد الزامات لان والے ترقی دے سفر نوں روکن دے دراُتے نیں، اجہے عناصر ذاتی مفاد دی خاطر قومی مفاد نوں بے پناہ نقصان اپڑا رہے نیں۔

وزیراعلیٰ پنجاب عثمان بزدار نے اپنے بیان وچ آکھیا نویں پاکستان وچ مفاد پرست لوکاں دے مخصوص ایجنڈے دی رتی بھر گنجائش نہیں، شعبدہ بازی دا دور لنگھ گیا، لٹ مار دی سیاست ہمیشہ لئی دفن ہو چکی، پروپیگنڈا کرن والے شفاف پاکستان دی منزل ول ودھدے سفر نوں کھوٹا کرنا چاہندے نیں۔

عثمان بزدار دا کہنا سی الزامات لان والے پچھے رہ جان گے، نواں پاکستان اگے ودھدا جائے گا، عوام دی خدمت ساڈا نصب العین اے، سازشی عناصر نکام سن، نکام نیں تے نکام رہن گے، 2ورھے پہلاں شروع ہون والے ترقی دے سفر وچ رکاوٹاں کھڑی کرن والے ملک و قوم دے خیر خواہ نہیں۔

اپنا تبصرہ گھلو