کراچی دے مسئلیاں دے حل وچ وفاق تے سندھ سنجیدہ نہیں، وسیم اختر رو پئے

کراچی: میئر کراچی وسیم اختر جذباتی ہو کے رو پئے۔ اوہناں آکھیا کراچی دے مسئلیاں تے اعلیٰ حکام نوں 77خطوط لکھے پر کوئی جواب نہیں آیا، خط سُٹ دتے، اک ای وار کراچی والیاں نوں زہر دے دیو۔ میئر کراچی وسیم اختر نے نیوز کانفرنس کردیاں آکھیا صدر پاکستان نوں 3، وزیراعظم نوں 7، گورنر سندھ نوں 10تے وزیراعلیٰ سندھ نوں 20خطوط لکھے، کراچی دے مسئلیاں دے حل وچ وفاقی تے سندھ حکومت سنجیدہ نہیں۔

اوہناں آکھیا 77ملین روپے دی لاگت نال کے ایم سی ہسپتالاں لئی دواواں خریدیاں، وسائل دی کمی شہر دی ترقی وچ وڈی رکاوٹ اے۔

وسیم اختر دا کہنا سی بلدیہ عظمیٰ کراچی دے دفتر وچ جدید کیمرے لائے گئے، کے ایم سی بلڈنگ دی تزئین و آرائش کیتی گئی، چاہنا آں شہریاں نوں پتہ لگے اسیں کیہ کم کیتے۔

اپنا تبصرہ گھلو