توانائی دے شعبے وچ سرکلر ڈیٹ 2ہزار ارب روپے توں تجاوز کر گیا اے: شفقت محمود

لہور: وفاقی وزیر تعلیم شفقت محمود دا کہنا اے توانائی دے شعبے وچ سرکلر ڈیٹ دو ہزار ارب روپے توں تجاوزکر گیا اے پر آئی پی پیز نال نویں معاہدیاں سرکلر ڈیٹ گھٹ ہو جائے۔

لہور وچ تقریب نال خطاب دے دوران شفقت محمود آکھیا بطور ایم این اے اوہناں کول حلقے توں سب توں ودھ مسئلے بجلی بارے آندے نیں، عوام کسے بھی حکومت دی کارکردگی دا تجزیہ بجلی دی فراہمی و دوجے معاملات نال کردے نیں، ساڈا اصل ہدف عوام نوں مطمئن کرنا اے، بجلی دے مسئلیاں دے حل لئی کوششاں جاری نیں۔

شفقت محمود آکھیا ماضی وچ بجلی دے معاہدیاں بارے قومی مفاد نوں ساہمنے نہیں رکھیا گیا، ماضی دی حکومتاں دے مسئلے اسیں حل کر رہے آں، آئی پی پیز نال کیتے گئے معاہدیاں نال ساڈی گردن وچ طوق پے گیا۔ اسیں آئی پی پیز دے خلاف نہیں، اوہناں نال معاملات بہتر بنا رہے آں، آئی پی پیز دے نال ماضی وچ کیتے گئے معاہدیاں نوں متوازن کر رہے آں۔

اسیں جدوں حکومت سنبھالی تے 1500ارب روپے دا سرکلر ڈیٹ ورثے وچ ملیا، ایہ سرکلر ڈیٹ دو ہزار ارب توں تجاوز کر گیا اے، آئی پی پیز نال نویں معاہدیاں نال سرکلر ڈیٹ گھٹ ہو جائے گا۔

اپنا تبصرہ گھلو