خیبر پختونخوا دے جنوبی ضلعیاں لئی موٹروے دی منظوری دے دتی گئی
پشاور: وزیراعلیٰ خیبر پختونخوا محمود خان نے جنوبی ضلعیاں لئی موٹروے دی منظوری دے دتی جہدی لاگت دا تعین بعد کیتا جاوے گا۔
پشاور سیکرٹریٹ دے اطلاع سیل وچ وفاقی وزیر مملکت سیفران تے صوبائی ترجمان اجمل وزیر نے سانجھی پریس کانفرنس کردیاں آکھیا کہ جنوبی ضلعیاں دے حوالے نال اج وڈا دیہاڑ اے۔
پشاور توں ڈیرہ اسماعیل خان تک موٹروے دی منظوری وزیراعلیٰ محمود خان نے پی ٹی آئی دے جنوبی ضلعیاں دے عوامی نمائندیاں دی مشاورت نال دتی۔
اوہناں دا کہنا سی کہ موٹروے تقریباً 339کلومیٹر طویل تے 15توں ودھ انتر چینجز تے مشتمل اے۔ ارباں روپے دی لاگت نال پشاور توں ڈی آئی خان موٹروے دی تکمیل جنوبی ضلعیاں دی تقدیر بدل دیوے گی۔
شہر یار آفریدی دا کہنا سی ایس منصوبے نال جنوبی ضلعیاں دیاں محرومیاں ختم ہو جان گیاں۔
منصوبے دی فیزیبلٹی اجے تیار نہیں ہوئی، ایہدے تے جلد کم شروع کیتا جاوے گا۔
