کورونا نال 9موتاں، تعداد6ہزار 244ہو گئی، 2لکھ 93ہزار 261شہری متاثر

اسلام آباد: کورونا دا زور ٹُٹ گیا، کیساں تے موتاں وچ مسلسل کمی ہون لگی، مہلک وائرس نے 9بندیاں دی جان لے لئی جہدے بعد موتاں دی تعداد 6ہزار 244ہو گئی۔

پاکستان وچ کورونا دے تصدیق شدہ کیساں دی تعداد 2لکھ 93ہزار 261ہو گئی۔ نیشنل کمانڈ اینڈ آپریشن سینٹر دے تازہ ترین اعدادوشمار دے مطابق پچھلے 24 گھنٹیاں دے دوران 496 نویںکیسز رپورٹ ہوئے، پنجاب وچ 96 ہزار 233، سندھ وچ اک لکھ 28 ہزار 284، خیبر پختونخوا وچ 35 ہزار 766، بلوچستان وچ 12 ہزار 527، گلگت بلتستان وچ 2 ہزار 682، اسلام آباد وچ 15 ہزار 515 جد کہ آزاد کشمیر وچ 2 ہزار 254 کیسز رپورٹ ہوئے۔

دیس بھروچ ہن تک 24 لکھ 63 ہزار 513 بندیاں دے ٹیسٹ کیتے گئے، پچھلے24 گھنٹیاں دے دوران 23 ہزار 655 نویں ٹیسٹ کیتیگئے، ہن تک 2 لکھ 76 ہزار 829 مریض صحت یاب ہوچکے نیں جد کہ686 مریضاں دی حالت تشویشناک اے۔

پاکستان وچ کورونا توں اک دن وچ 9 بندے جاں بحق ہوگئے جہدے بعد وائرس نال مرن والیاں دی تعداد 6 ہزار 244 ہوگئی۔ پنجاب وچ 2 ہزار 188، سندھ وچ 2 ہزار 367، خیبر پختونخوا وچ اک ہزار 248، اسلام آباد وچ 175، بلوچستان وچ 141، گلگت بلتستان وچ 64 تے آزاد کشمیر وچ 61 مریض جان توں ہتھ دھو بیٹھے۔

اپنا تبصرہ گھلو