لیگی ارکان اسمبلی نال دوبارہ رابطے، وزیراعلیٰ پنجاب نال اشرف انصاری دی ملاقات

لہور: وزیراعلیٰ پنجاب دے مسلم لیگ (ن) دے ارکان اسمبلی نال دوبارہ رابطے، عثمان بزدار نال مسلم لیگ (ن) دے گوجرانوالہ توں رکن پنجاب اسمبلی اشرف انصاری نے ملاقات کیتی اے۔

لیگی رہنما اشرف انصاری نے وزیراعلیٰ عثمان بزدار نوں حلقے دے مسئلیاں تے گوجرانوالہ دے ایشوز توں آگاہ کیتا، یونس انصاری تے دوجی شخصیات وی ایس موقع تے موجود سن۔ وزیراعلیٰ عثمان بزدار نے عوامی مسئلے چھیتی حل کرن دی یقین دہانی کرائی۔

عثمان بزدار دا کہنا سی اج فیصل آباد جا رہیا آں، جلد گوجرانوالہ وی آواں گا، گوجرانوالہ دے شہریاں نوں صحت اور تعلیم دی بہترین سہولتاں فراہم کراں گے، گوجرانوالہ وچ سیوریج دے مسئلیاں دے دیرپا حل دی منصوبہ بندی کیتی جا رہی اے۔

گوجرانوالہ نوں اوہدا جائز حق دیواں گے۔ وزیراعلیٰ پنجاب آکھیا پچھلے حکمراناں دی طرح نمائشی منصوبیاں دی تھاں عوامی ضرورتاں دے مطابق پراجیکٹاں پر کم کر رہے آں، گوجرانوالہ نوں موٹروے نال لنک کرن دے حوالے نال جلد خوشخبری دیواں گے۔

اپنا تبصرہ گھلو