عوام سیاسی مخالفاں نہیں حکومتی بیانیہ دے نال کھڑے نیں: گورنر پنجاب
لہور: گورنر پنجاب چودھری سرور آکھیا اے عوام سیاسی مخالفاں نہیں حکومتی بیانیہ دے نال کھڑے نیں، وزیراعظم عمران کان اصولاں تے ڈٹے ہوئے نیں، پچھے نہیں ہٹن گے۔ گورنر ہاؤس وچ صوبائی وزیر انرجی ڈاکٹر اختر ملک تے دوجی شخصیات نے گورنر پنجاب چودھری سرور نال ملاقات کیتی ۔
گورنر پنجاب نے ایس موقع تے گل کردیاں آکھیا سرکار نے سخت فیصلیاں دے بعد معیشت نوں سنبھالیا، دنیا وچ پاکستان دا امیج بہتر ہو رہیا اے۔
چودھری سرور آکھیا عوام نوں ریلیف دینا حکومتی پالیسیاں دا محور اے، اداریاں وچ اصلاحات تے میرٹ تے کم کر رہے آں، سرکار دی ساری توجہ دیس نوں طویل مدتی استحکام دین تے مروکز اے، محرم الحرام دے دوران وی ایس او پیز تے عمل کرنا ہووے گا، اسیں سارے رل کے کورونا نوں شکست دینی اے، احتیاطی تدابیر تے سب عمل کرن۔
Load/Hide Comments





















