گلوبل فنڈ دا خط عمران خان دی نا اہلی تے بد انتظامی دا منہ بولدا ثبوت : مریم اورنگزیب

اسلام آباد ( بھلیکھا ٹی وی ) مریم اورنگزیب نے آکھیا کہ گلو بل فنڈ دا خط عمران خان دی نا اہلی تے بد انتظامی دا منہ بولدا ثبوت اے ، ایڈیشنل سیف گارڈ پالیسی اختیار کرن دا مطلب حکومتی ساکھ ختم ہونا اے ، عالمی ادارے نے اقدام سیاسی عدم استحکام تے ناکام حکومت دی وجہ نال ہوئیا ۔ترجمان مسلم لیگ ن مریم اورنگزیب نے اپنے اک بیان وچ آکھیا کہ گلوبل فنڈ دا بیماریاں اُتے قابو پاون لئی فنڈز دی نگرانی خود کرن دا اقدام عمران خان اُتے عدم اعتماد اے، گلوبل فنڈ نے ایہ قدم سنجیدہ معاملات وچ مجرمانہ لاپرواہی ورتی جاون اُتے کیتا اے ۔ عالمی تنظیم نے ایہ قدم عوام دا فیصلہ سازی وچ شامل نہ ہوون دی وجہ نال کیتا اے ، عالمی تنظیم ایڈز، ٹی بی تے ملیریا دے خاتمے لئی مزید30کروڑ ڈالر گرانٹ اپنی نگرانی وچ خود خرچ کرے گی ۔

اپنا تبصرہ گھلو