شہریاں دی شکایتاں دا ازالہ، پاکستان سیٹیزن پورٹل ہیلپ لائن شروع کر دتی گئی
اسلام آباد ( بھلیکھا ٹی وی ) وفاقی حکومت ولوں شہریاں دی مشکلاں تے شکایتاں دے ازالے لئی پاکستان سیٹیزن پورٹل ہیلپ لائن شروع کر دتی گئی ۔
ایس موقع اُتے تقریب نال خطاب کر دیاں وفاقی وزیر اطلاعات تے نشریات شبلی فراز ہوراں آکھیا کہ سیٹیزن پورٹل ہیلپ لائن نال لوکاں نوں براہ راست رسائی دتی گئی اے ۔
شبلی فراز نے آکھیا کہ سیٹیزن پورٹل ہیلپ لائن دا مقصد شہریاں دی شکایتاں دا بروقت ازالہ اے ، وزیراعظم دی ہدایت اُتے ایس دا قیام عمل وچ لیایا گیا ۔وفاقی وزیر نے آکھیا کہ پاکستان سیٹیزن پورٹل اُتے بلا امتیاز مسلیاں دا حل کیتا جائے گا ، حکومت نوں 25لکھ شکایتاں موصول ہو ئیاں جنا ں وچ23لکھ دا ازالہ کیتا گیا ۔
اوہناں نے آکھیا کہ سیٹیزن پورٹل نال حکومت تے عوام دے درمیان فاصلہ گھٹ ہو گیا اے ۔ پاکستان سیٹیزن پورٹل اُتے بلا امتیاز تے سیاسی مفادات توں بالا تر ہو کے شکایتاں دا ازالہ کیتا جائے گا ۔





















