میاں صاحب نے دھواں دار تقریر نہیں کیتی، مسئلے بیان کیتے نیں: شاہد خاقان
کراچی: سابق وزیراعظم شاہد خاقان عباس آکھیا اے میاں صاحب نے دھواں دار تقریر نہیں کیتی، مسئلے بیان کیتے نیں۔
ایہ سرکار کیویں آئی سب نوں پتہ چل گیا اے۔
احتساب عدالت دے باہر میڈیا نال گل کردیاں شاہد خاقان عباسی دا کہنا سی اپوزیشن دی اے پی سی وچ نوازشریف نے دھواں دار تقریر نہیں کیتی مسئلے بیان کیتے نیں، ایہ ہائبرڈ سرکار اے جہڑی نکام ہو چکی اے، سرکار کیویں آئی اے سب نوں پتہ چل گیا اے۔
سابق وزیراعظم دا کہنا سی نیب کورٹ وچ پیشی ہوئی، نیب نے دیس نوں مفلوج کر دتا اے تے لوکاں دی زندگیاں تباہ کر رہیا اے، سپریم کورٹ تے ہائی کورٹ دی ججمنٹ مگروں نیب دی کارکردگی کھل گئی، نیب صرف سیاستداناں دے خلاف کیس بنا رہیا اے، ساڈا مطالبہ اے کہ کمرہ عدالت وچ کیمرہ لا کے عوام نوں وکھایا جائے۔
شاہد خاقان عباسی آکھیا پارلیمنٹ وچ بدنیتی تے مبنی بل پاس کرائے گئے جہدا فیٹف نال کوئی تعلق نہیں، ساڈی روایتاں کجھ قنون توں ہٹ کے بن گئیاں نیں، نیب وچ پہلاں ای اینٹی منی لانڈرنگ دا قنون موجود اے، بل وچ حکومت کسے دا وی کمپیوٹر ہیک کر سکدی اے۔





















