سرکار فضل الرحمان دے خلاف اوچھے ہتھکنڈیاں توں باز آ جائے: بلاول

اسلام آباد: چیئرمین پیپلزپارٹی بلاول بھٹو زرداری آکھیا اے سرکار نیب دے راہیں جمعیت علمائے اسلام (ف) دے سربراہ مولانا فضل الرحمان دے خلاف اوچھے ہتھکنڈے استعمال کرن توں باز رہے۔

نیب ولوں جے یو آئی دے سربراہ مولانا فضل الرحمان نوں نوٹس گھلن تے ردعمل دا اظہار کردیاں پیپلزپارٹی دے چیئرمین بلاول بھٹو دا کہنا سی پی ٹی آئی سرکار پاکستان ڈیمو کریٹک موومنٹ توں بوکھلا کے نیب نوں استعمال کر رہی اے، اے پی سی دے بعد سیاسی رہنماواں نوں نیب دے نوٹس گھلن نال حکومتی عزائم کھل کے سامنے آ چکے نیں، سرکار کجھ وی کر لوے ہن عوامی مزاحمت نوں نہیں دبا سکدی۔

بلاول بھٹو آکھیا عمران خان نیب دے راہیں اپوزیشن دے سیاستداناں نوں دباء وچ لین دی کوشش کر رہے نیں، سرکار نیب دے راہیں جے یو آئی سربراہ دے خلاف اپنے اوچھے ہتھکنڈیاں توں فی الفور باز آ جائے۔

اپنا تبصرہ گھلو