اے پی سی وچ نوازشریف دا خطاب کسے ادارے دے خلاف نہیں سی: احسن اقبال

اسلام آباد: مسلم لیگ (ن) دے رہنما احسن اقبال آکھیا اے نوازشریف دا خطاب کسے ادارے دے خلاف نہیں سی۔ ساڈی جنگ آئین دی بالادستی تے قنون دی حکمرانی لئی اے۔

اپوزیشن نوں غدار قرار دین والے حکمران دشمن دے آلہ کار نیں۔ میڈیا نال گل کردیاں احسن اقبال دا کہنا سی ساڈی جنگ ووٹ دی حرمت تے عوام دے معاشی حقوق دی جنگ اے۔

نوازشریف نے تن وار وزارت عظمیٰ لئی، اوہناں نوں اپنے خاندان دی تکلیف ویکھن دی کیہ لوڑ اے؟ اسیں پاکستان نوں بچان دی قسم کھاہدی اے۔

لیگی رہنما آکھیا آل پارٹیز کانفرنس وچ ساڈے قائد دے خطاب تے حکومت نوں مرچاں لگ گئیاں۔

میاں نوازشریف دا خطاب کسے ادارے دے خلاف نہیں سی۔

حکومتی قنون سازی تے تنقید کردیاں اوہناں دا کہنا سی پاکستان دے سب توں وڈے ادارے سینیٹ وچ الیکشن دے دوران ووٹاں دی حرمت نوں روند دتا گیا۔

مشترکہ اجلاس وچ گنتی دے دوران مشیراں نوں کھڑا کرکے سرکار دی اقلیت نوں اکثریت بنا دتا جاندا اے۔ پنجاب وچ ہارس ٹریڈنگ کرکے سرکار قائم کیتی گئی۔

پنجاب وچ مسلم لیگ (ن) دے مینڈیٹ تے ڈاکہ پایا گیا۔

اپنا تبصرہ گھلو