اومیگا ریزیڈینشیا فیصل آباد ۔۔۔شاندار رہائشی منصوبہ
رپورٹ: علی عمران چٹھہ
وزیراعظم پاکستان عمران خان ملک نوں حقیقی ترقی دی راہ اُتے گامزن کرنا چاہندے نیں تعمیراتی شعبے وچ ایہناں دے عملی اقدامات ملک دی تقدیر بدل دین گے۔ حکومت دے نال نال پرائیویٹ سیکٹر دی حوصلہ افزائی نال رئیل اسٹیٹ دے بزنس وچ انقلابی تبدیلیاں لیائیاں جا سکدیاں نیں۔ ایہناں وچاراں دا اظہار چیف ایگزیکٹو اومیگا ریذیڈینشیاء چوہدری محمد سرور نے فیصل آباد وچ اومیگا ریذیڈینشیاء دی افتتاحی تقریب نال خطاب دے دوران کیتا۔
اوہناں نے کہیا کہ وزیراعظم پاکستان عمران خان دے ویژن دے مطابق کرائے دار تے متوسط طبقہ دے لوکاں نوں باعزت طور اُتے سستا گھر تے سستا پلاٹ فراہم کرنا ساڈا مشن اے۔ اسیں سرگودھا بائی پاس روڈ دے بعد شہر دی پنج دیگر لوکیشنز ملت روڈ، ، شیخوپورہ روڈ، ستیانہ روڈ، سمندری روڈ اور جڑانوالہ روڈ اُتے وی ہائوسنگ سوسائٹیز بنان دا ارادہ رکھنے آں۔
چوہدری محمد سرور نے کہیا کہ فیصل آباد دی تاریخ وچ پہلی وار ارباں روپئے دی زمین خرید کے رجسٹری تے فیصل آباد ڈویلپمنٹ اتھارٹی توں منظوری کروا کے 272 مربع فٹ مرلے دا پلاٹ 7 ورھے دی آسان قسطاں وچ فراہم کر رہے آں۔پلاٹ دا قبضہ لین دے بعد جے گھر بنان لئی رقم موجود نہ ہوئے تے کمپنی چھ مہینے وچ گھر تعمیر کر کے رہائش لئی مہیا کرے گی تے تعمیرات دے اخراجات 2 ورھے وچ بلاسود وصول کیتے جان گے۔
چیف ایگزیکٹو اومیگا ریذیڈینشیاء نے کہیا کہ فیصل آباد دی پرائم لوکیشن اُتے اک لگژری پر سستی ہائوسنگ سوسائٹی دے قیام دا مقصد عوام دے معیارِ زندگی نوں اُچا کرنا اے۔ اوہناں نے کہیا کہ جیہڑے لوک لگژری طرزِ رہائش دا حصول مناسب تے آسان قسطاں اُتے چاہندے نیں ایہناں ل ئی اومیگا ریذیڈینشیا خوشی دی نوید لے کے آیا اے کیوں جے ایتھے عالمی معیار دی ساری سہولتاں موجود نیں۔
اومیگا ریذیڈینشیا دی افتتاحی تقریب وچ پورے شہر دی معزز شخصیات دے علاوہ فلم تے ٹی وی دی دنیا نال تعلق رکھن والے اداکاراں، پراپرٹی ڈیلرز تے انویسٹرز نے سینکڑاں دی تعداد وچ شرکت کیتی۔
تقریب نال خطاب کردے ہوئے ڈائریکٹر اومیگا ریذیڈینشیاء شیخ شاہد شریف نے کہیا کہ اسیں فیصل آباد دے عوام دی خدمت کرنا چاہنے آں تے ایسے لئی 3 مرلہ پلاٹ دی ماہانہ قسط صرف 6500 روپئے 20 فیصد ڈائون پیمنٹ دے نال وصول کیتی جائے گی۔ اوہناں نے کہیا کہ کسے دی حق تلفی نہیں ہوئے گی تے بذریعہ بیلٹنگ پلاٹاں دی الاٹمنٹ کیتی جائے گی ۔ عمران بھٹی ڈائریکٹر کارپہوریٹ افیئرز نے کہیا کہ اسیں اپنے مقرر کردہ پراپرٹی ڈیلراں دے نمبرز اخبارات وچ مشتہر کر دتے نیں تاں ساڈا مستعد عملہ کسے وی قسم دی رہنمائی لئی سائیٹ آفس وچ موجود رہوے گا۔ اوہناں نے کہیا کہ اومیگا ریذیڈینشیا وچ ترقیاتی کم تیزی نال جاری اے بھاری مشینری موقعے اُتے موجود اے فیصل آباد دے علاوہ دوجے شہراں وچ وی اومیگا ریذیڈینشیاء لئی زمین خرید رہے آں تے بوہت جلدی دیگر شہراں وچ وی ایس پراجیکٹ دا آغاز کر دتا جائے گا۔ فیصل آباد پراپرٹی ڈیلر ایسوسی ایشن دے صدر نے چوہدری محمد سرور اُتے مکمل اعتماد دا اظہار کردے ہوئے ایہناں نوں اپنے مکمل تعاون دا یقین دلوایا۔ تقریب وچ سینئر جنرل منیجر اومیگا ریذیڈینشیا علی اکبر تے ایہناں دا دیگر عملہ فعال نظر آیا۔ جی ایم میڈیا بابر رائو نے پریس کانفرنس لئی وکھری انکلوژر دا اہتمام کیتا۔ اوہناں نے میڈیا نال تعلق رکھن والے بندیاں دی شرکت نوں سراہیا تے ایہناں دا شکریہ ادا کیتا۔
افتتاحی تقریب وچ پنڈال نوں نہایت خوبصورت نال سجایا گیا سی۔ ٹی وی تے فلم دے مایہ ناز فنکاراں نے تقریب نوں چار چن لا دتے۔ تقریب دے اختتام اُتے چوہدری محمد سرور دی طرفوں اک پرتکلف عشائیے دا اہتمام کیتا گیا۔ بعد وچ حاضرین آتش بازی دے شاندار مظاہرے توں وی لطف اندوز ہوئے۔
