کورونا ہور6مریضاں دی جان لےگیا۔ وائر س نال3 لکھ 15ہزار727شہری متاثر

اسلام آباد ( بھلیکھا ٹی وی ) کورونا وائرس نال 6مریض ہور جان توں گئے ، جس توں بعد موتاں دی تعداد6ہزار523ہو گئی پاکستان وچ کورونا دے تصدیق شدہ مریضاں دی تعداد 3لکھ 15ہزار727ہو گئی ۔نیشنل کمانڈ اینڈ آپریشن سینٹر دی تازہ رپورٹ دے مطابق 24گھنٹے دے دوران467نویں مریض ساہمنے آئے ، پنجاب وچ 1لکھ33ہزار ۔ سندھ وچ1لکھ38ہزار۔خیبر پختونخواوچ38ہزار105، بلو چستان وچ15ہزار420۔گلگگت بلتستان وچ3ہزار857، اسلام آباد وچ16ہزار845جد کہ آزاد کشمیر وچ2ہزار874مریض ساہمنے آئے ۔ملک وچ ہن تک37لکھ2ہزار607لوکاں دے ٹیسٹ کیتے گئے ، پچھلے 24گھنٹے دے دوران28ہزار280نویں ٹیسٹ کیتے گئے ، ہن تک3لکھ 616مریض صحتیاب ہو چکے نیں ، جد کہ516مریضاں دی حالت تشویشناک اے ۔پاکستان وچ کورونا نال اک دن وچ6مریض اللہ نوں پیارے ہو گئے جس توں بعد وا ئرس نال مرن والیاں دی تعداد 6ہزار 523ہو گئی ۔پنجاب وچ2ہزار243،سندھ وچ2ہزار523،خیبر پختونخوا وچ اک ہزار262، اسلام آباد وچ184،بلوچستان وچ146،گلگت بلتستان وچ89تے آزاد کشمیر وچ76مریض جان توں ہتھ دھو بیٹھے ۔

اپنا تبصرہ گھلو