پاکستان بھر وچ ویڈیو شیئرنگ ایپ ٹک ٹاک تے پابندی عائد
اسلام آباد: پاکستان ٹیلی کمیونی کیشن اتھارٹی نے عوامی شکایتاں دا نوٹس لیندیاں ہوئیاں ویڈیو شیئرنگ ایپ ٹک ٹاک تے غیر معینہ مدت لئی پابندی لاگو کر دتی اے۔ پاکستان ٹیلی کمیونی کیشن اتھارٹی دے ترجمان ولوں جاری بیان وچ آکھیا گیا اے دیس بھر وچ ٹک ٹاک ایپ بلاک کر دتی گئی اے۔
ایہ اقدام ایس ویڈیو شیئرنگ ایپ دے غیر اخلاقی مواد شیئر کرن تے کیتا گیا۔ ترجمان نے اپنے بیان وچ وضاحت کیتی اے کہ ایس گل دا فیصلہ ادارے ولوں ازخود نہیں لیا گیا سگوں عوامی شکایتاں تے نوٹس لین دے بعد ہویا۔ پی ٹی اے ترجمان آکھیا ٹک ٹاک انتظامیہ نوں جواب جمع کران دی مہلت دتی سی پر اوہدے ولوں شکایتاں دا ازالہ نہ کرن دی وجہ توں پابندی لائی گئی۔
