کراچی وچ موٹرسائیکل دی ڈبل سواری تے پابند ی لاگو

کراچی: حکومت سندھ نے شہر قائد وچ موٹرسائیکل دی ڈبل سواری تے پابندی لاگو کر دتی۔ محکمہ داخلہ سندھ نے امن و امان دے پیش نظر کراچی وچ ڈبل سواری تے پابندی لاگو کر دتی اے۔ محکمہ داخلہ ولوں جاری نوٹیفکیشن دے مطابق ڈبل سواری تے پابندی 30دن لئی ہووے گی پر قنون نافذ کرن والے ادارے، بزرگ، عورتاں، صحافی تے 12ورھے توں گھٹ عمر دے بچے پابندی توں مستثنیٰ ہون گے۔ موٹرسائیکل دی ڈبل سواری تے پابندی کراچی پلس دی عرضی تے لاگو کیتی گئی۔ کراچی پلس نے پچھلے دیہاڑ محکمہ داخلہ سندھ نوں خط لکھیا سی جہدے وچ آکھیا گیا سی شہر وچ دہشت گرد مذموم مقاصد لئی کاروائیاں کر سکدے نیں ایس لئی اک مہینے لئی ڈبل سواری تے پابندی لائی جائے۔

اپنا تبصرہ گھلو