قائد اعظم دے مزار دے تقدس دی پامالی اُتے کیپٹن (ر)صفدر گرفتار

کراچی(پنجابی میڈیا گروپ)مزار قائد دے تقدس دی پامالی دے کیس وچ کراچی پولیس نے نجی ہوٹل اُتے چھاپہ مار کر لیگی رہنما کیپٹن(ر)صفدر نوں گرفتار کرلیا۔
پاکستان مسلم لیگ نون دی رہنما مریم نواز نے سماجی رابطے دی ویب سائٹ اُتے ٹویٹ کردیاں آکھیا کہ پولیس نے کمرے دا دروازہ توڑ کے صفدر نوں گرفتار کیتا، پولیس کیپٹن(ر) صفدر نوں گڈی وچ بٹھا کے تھانے لے گئی۔واضح رہے پاکستان تحریک انصاف دے رہنما دیدرخواست اُتے کیپٹن(ر)صفدر، مریم صفدر سمیت 200 لیگی کارکناں دے خلاف برگیڈ تھانے وچ مقدمہ درج کیتا گیا۔ پولیس دے مطابق مقدمہ قائداعظم مزار پروٹیکشن ایکٹ دی دفعہ 6،8 تے10دے تحت درج کیتا گیا اے۔ یاد رہے پچھلے دن پی ڈی ایم دے جلسے وچ آن توں پہلاں ن لیگی رہنماواں دی مزار قائد اُتے حاضری دے دوران سیاسی نعرے بازی کیتی گئی سی۔