وزیراعلی سندھ دا مسکن چورنگی دھماکے دا نوٹس، کمشنر کراچی توں رپورٹ منگ لئی

کراچی( پنجابی میڈیا گروپ)وزیراعلی سندھ نے مسکن چورنگی دھماکے دا نوٹس لیندیاں ہوئیاں کمشنر کراچی توں واقعے دی تفصیلی رپورٹ منگ لئی۔ مراد علی شاہ نے زخمیاں لئی فوری طبی امداد دا بندوبست کرن دی وی ہدایت کیتی اے۔ وزیراعلی سندھ نے جانی نقصان اُتے گہرے دُکھ دا اظہار کیتا۔پاکستان پیپلزپارٹی دے رہنما سعید غنی نے میڈیا نال گل بات کر دیاں آکھیا کہ دھماکے دی نوعیت دا تعین ہونا اجے باقی، دہشت گردی یا گیس لیکج دا واقعہ ہوسکدا اے، ریسکیو آپریشن دے بعد دھماکے دی نوعیت دا اندازہ ہوئے گا، کل دہشتگردی دا واقعہ ہویا، اج کجھ کہنا قبل از وقت ہوئے گا، کمشنر کراچی آپریشن نوں مانیٹر کر رہے واں، ہلاکتاں دی تصدیق دی پوزیشن وچ نہیں،7افراد زخمی نیں۔