افغان سرزمین پاکستان دے خلاف استعمال نہیں ہونی چاہیدی: شاہ محمود قریشی

اسلام آباد: وزیر خارجہ شاہ محمود قریشی دا کہنا اے افغانستان دی سرزمین پاکستان دے خلاف استعمال نہیں ہونی چاہیدی۔ شاہ محمود قریشی آکھیا کجھ قوتاں پاکستان نوں عدم استحکام دا شکار کرنا چاہندیاں نیں۔ ملک دشمن قوتاں دا اتحاد بن دا نظر آ رہیا اے جہڑیاں پاکستان نوں نشانہ بنان دا ارادہ رکھدیاں نیں، صوبائی حکومت دے نال وفاقی حکومت نوں وی الرٹ رہنا ہووے گا، پوری قوم نوں رل کے دہشت گردی دا مقابلہ کرنا ہووے گا۔ وزیر خارجہ آکھیا کل شام افغان وزیر خارجہ نال گل بات ہوئی، کوئٹہ تے پشاور دے دھماکیاں دا ذکر کیتا، اپنی اطلاعواں تے خدشات تے اوہناں نال گل کیتی۔ اوہناں نوں آکھیا افغانستان دی سرزمین پاکستان دے خلاف استعمال نہیں ہونی چاہیدی۔ کوئٹہ وچ پی ڈی ایم جلسے دی سکیورٹی دا بندوبست کیتا سی۔ گستاخانہ خاکیاں تے اک طبقہ سیاست کرنا چاہندا سی، سرکار اپنی ذمہ داریاں توں غافل نہیں، عید میلاد البنیۖ تے سکیورٹی دا پورا بندوبست کیتا جائے گا۔