پی آئی اے دے سارے ملازماں تے لازمی خدمات ایکٹ دے اطلاق دی مدت وچ 6مہینے داوادھا

لہور:وزارت ایوی ایشن ڈویژن نے قومی ایئر لائن پی آئی اے وچ لازمی سروس ایکٹ وچ ہور 6مہینے دا وادھا کر دتا اے۔ ایکٹ دا اطلاق 28اکتوبر توں چھ مہینے لئی ہووے گا۔ پی آئی اے دے ہیومن ریسورس ڈیپارٹمنٹ نے توسیع دا نوٹیفکیشن جاری کر دتا اے۔ نوٹیفکیشن دے مطابق ایکٹ دے تحت پی آئی اے ملازماں تے کئی ذمہ داریاں لاگو ہوندی اے۔ ایکٹ دی خلاف ورزی جرم تصور کیتا جائے گا، کم نہ کرنا، بغیر کسے عذر دے کم نہ کرنا، غیر حاضر ہونا وی جرم تصور کیتا جائے گا۔ ایکٹ دی خلاف ورزی دی سزا، جرمانہ تے اک سال تک قید وی ہو سکدی اے۔