جنوبی ایشیائی ملکاں وچ سب توں ودھ مہنگائی پاکستان وچ اے: رپورٹ
اسلام آباد: ادارہ برائے پائیدار ترقی ولوں مہنگائی دے تقابلی جائزہ دے اعداد وشمار وچ دسیا گیا اے کہ جنوبی ایشیائی ملکاں وچ سب توں ودھ مہنگائی پاکستان وچ اے۔ادارہ برائے پائیدار ترقی ولوں مہنگائی دے تقابلی جائزہ دے اعداد وشمار دے مطابق پاکستان وچ مہنگائی دے ودھن دی شرح 9 فیصد اے، بھارت وچ مہنگائی دے ودھن دی شرح 7.34 فیصد اے، بنگلا دیش وچ مہنگائی دے ودھن دی شرح 5.97 فیصد اے۔ سری لنکا وچ مہنگائی دے ودھن دی شرح 4.1 فیصد اے۔اعداد و شمار دے مطابق پاکستان وچ آٹے دی فی کلو قیمت 68 پاکستانی روپیہ اے، بھارت وچ آٹے دی فی کلو قیمت 28 بھارتی روپیہ اے، بنگلا دیش وچ قیمت 41 ٹکا اے، سری لنکا وچ آٹے دی فی کلو قیمت 93 لنکن روپیہ اے۔
اعدادوشمار وچ ہور دسیا گیا اے کہ پاکستان وچ پیاز دا ریٹ 80 روپیہ اے، بھارت وچ پیاز دا ریٹ 50 بھارتی روپیہ اے، بنگلا دیش وچ پیاز دا ریٹ 40 ٹکا اے، سری لنکا وچ پیاز دا ریٹ 150 لنکن روپیہ اے۔ادارے دی رپورٹ دے مطابق پاکستان وچ چینی دا ریٹ 105 روپیہ اے، بھارت وچ چینی دا ریٹ 55 بھارتی روپیہ اے، بنگلا دیش وچ چینی دا ریٹ 70 ٹکا فی کلو اے، سری لنکا وچ چینی دا ریٹ 85 لنکن روپیہ اے۔
