سکول کھلے نیں لیکن کجھ آکھیا نہیں جا سکدا کے دوبارہ کدوںبند ہو جان: سعید غنی
کراچی(پنجابی میڈیا گروپ)وزیر تعلیم سندھ سعید غنی نے آکھیا اے کہ کورونا پاروں تعلیم نوں نقصان ہوئیا، سکول بند رہے، سکول کھلے نیں لیکن کجھ پتہ نہیں کے دوبارہ کدوں بند ہو جان۔وزیر تعلیم سندھ سعید غنی نے طلبہ وچ مفت ٹیبلیٹس دی تقسیم دی تقریب وچ شرکت کیتی۔ ایس موقع اُتے اوہناں نے آکھیا کہ بہت سارے علاقیاں وچ انٹرنیٹ تے سہولتاں نہیں مگر6فیصد علاقیاں وچ سب کجھ اے، سکول بند ہوئے تے ٹیبلیٹس دے ذریعے بچے گھر بیٹھ کے آن لائن پڑھ سکن گے۔سعید غنی دا کہنا سی30توں ودھ نویے سکولاں وچ وی تعلیم دا سلسلہ جلد شروع کیتا جائیگا، جو این جی اوز ساڈے ساتھ تعلیم لئی کم کرنا چاہندے نیں اوہ اگے ودھن۔
