شہباز شریف تے حمزہ پرائیویٹ لمیٹڈ دے طرز تے ن لیگ چلا رہے نیں: فیاض الحسن

لہور: فیاض الحسن چوہان آکھیا اے شہباز شریف تے حمزہ شہباز پیو پتر پرائیویٹ لمیٹڈ دے طرز تے وفاق تے پنجاب وچ ن لیگ چلا رہے نیں۔وزیر اطلاعات پنجاب فیاض چوہان آکھیا اے پیو پتر پرائیویٹ لمیٹڈ تعصب دی وجہ توں پنجاب دے تریخی بجٹ نوں سمجھن توں قاصر نیں، پیو پتر پرائیویٹ لمیٹڈ جان لین، سردار عثمان بزدار دی قیادت وچ کورونا دے خلاف فرنٹ فٹ تے جنگ لڑی جا رہی اے۔ اوہناں آکھیا وفاقی حکومت تے این ڈی ایم اے دی مدد نال پنجاب وچ وینٹی لیٹرز دی تعداد وچ وادھا کیتا گیا اے، 66نویں وینٹی لیٹرز، 34پورٹیبل وینٹی لیٹرز تے 10ایکسرے مشیناں پنجاب سپیشلائزڈ ہیلتھ کیئر نوں مہیا کیتی گئیاں نیں۔