کورونا نے لوکاں نوں راتوں رات ارب پتی کر دتا: چیف جسٹس

اسلام آباد:چیف جسٹس پاکستان جسٹس گلزار احمد نے آکھیا کہ کورونا نے لوکاں نوں راتوں رات ارب پتی کر دتا اے تے ایس وچ کافی سارے لوگ شامل نیں،چیف جسٹس پاکستان جسٹس گلزار احمد دی سربراہی اندر سپریم کورٹ دے 5 رکنی بینچ نے کورونا از خود نوٹس کیس دی سماعت کیتی،دوران سماعت چیف جسٹس نے ریمارکس دتے کہ این ڈی ایم اے ارباں روپئے ایدھر اودھر خرچ کر رہیا اے ،نہیںپتہ این ڈی ایم اے کس طرح کَم کر رہیا اے،این ڈی ایم اے دے اخراجات اُتے کوئی نگرانی نہیں ؟،این ڈی ایم اے باہر دے ملکاں توں دوائی منگوا رہیا اے ،نہیں معلوم اے ادویات کس مقصد لئی منگوائی جا رہیی اے،،دستاویز دے مطابق این ڈی ایم اے نے اپنے جہاز اُتے نجی کمپنی لئی مشنری منگوائی ، کیا مشینری دی کسٹم ڈیوٹی ادا کیتی گئی،اٹارنی جنرل نے عدالت نوں آکھیا کے این ڈی ایم اے نوں قانونی تحفظ حاصل اے ،این ڈی ایم اے دا آڈٹ ایڈیٹر جنرل آف پاکستان کر رہیا اے ،این ڈی ایم اے ادویات منگوا ن اندر سہولت کار دا کردار ادا کر رہیا اے ،ڈیوٹی وچ فائدہ کسی کمپنی نوں نہیں دتا گیا،جسٹس اعجاز الاحسن نے استفسار کیتا کہ باہر توں منگوائی جاون والی ادوایات کس نوں دتی جا رہیی اے،ڈرگ ریگیولیٹری اتھارٹی نے آکھیا کہ ایہ درآمد کیتی گئی ادویات جس مریض نوں دتی جائے اوس دا ریکارڈ رکھیا جائے،ایہ دوا تشویشناک حالت دے ،میریضاں لئی اے ،چنگا ہندا کہ کوائف اکھٹے کرن دی ذمہ داری سرکاری ہسپتالاں نو دتی جاندی ،اگر مریض دے کوائف اکھٹے کرنے شروع کر دتے جاون تے اتنی دیر وچ مریض اللہ نوں پیارا ہو جائے گا ،،مشینری منگوان وچ این ڈی ایم اے نے نجی کمپنی نوں سہولت دتی ،مشنری اُتے کسٹم یا ٹیکس نجی کمپنی نے خود جمع کروایا،ممبر این ڈی ایم اے ولوں عدالت نوں آکھیا گیا کہ 28کمپنیاں نے مشنری باہر توں منگوان لئی این ڈی ایم اے نال رابطہ کیتا،ایہ نجی کمپنیاں N95مساک نہیں بنا رہیاں سن ،چیف جسٹس نے ریکارکس دتے کہ ایس طرح ایہ نجی کمپنی N95ماسک بناون والی ایک وڈی کمپنی بن گئی اے،تے نجی کمپنی دا ملک دو دن اندر ہی ارب پتی بن گیا۔