برطانیہ: کورونا دی ویکسین دا ٹرائل شروع

لندن :برطانیہ نے کوروناتوں بچن لئی نویں ویکسین دی مریضاں اُتے ٹرائی شروع کر دتی ،تے اگلے ہفتے اندر گھٹ توں گھٹ 300مریضاں نوں ویکسین دتی جائے گی،امپیریل کالج لندن اندر جانوراں اُتے کیتے گئے تجربات توں پتہ چلیا اے کہ ایہہ ویکسین ٹھیک اے ، تے ایہہ دُجیاں ویکسین توں بوہت مختلف اے،پوری دُنیا وچ ایس وقت 120توں ودھ کورونا وائرس دی ویکسین اُتے کم ہو رہیا اے ،ویکسین بناون والی ٹیم نے آکھیا اے کہ اوہ ایک دُجے دے خلاف پج دوڑ اندر شامل نہیں ،بلکہ وائرس دے خلاف نیں ،امریکہ ولوں بنائی گئی ویکسین بارے آکھیا جا رہیا اے کہ ایس سے تیجے مرحلے دا آغاز اگلے مہینے کیتا جائے گا،جس دے بعد متعلقہ اتھارٹی توں منظوری ملن تو ں بعد مارکیٹ اندر پیجھ دتی جائے گی،رپورٹ دے مطابق امریکہ اندر ویکسین تیار کرن والی کمپنی نے آکھیا اے کہ اک سال دے دوران ویکسین دی اک ارب پراڈکٹ تیار کرن دی کوشش کیتی جائے گی، ایہہ ویکسین انساناں لئی100فیصد فائدہ مند ثابت ہوئے گی،چین اندروی ویکسین تیار کیتی جارہیی اے جس دے بعد تیزی آ جائے گی