بھارت اندر کورونا قابو توں باہر ہو گیا

نئی دہلی: بھارت وچ اک دن اندر 17ہزار مریض آ گئے جو کہ اک وڈا ریکارڈ اے ،عالمی میڈیا دے مطابق بھارت اندر کورونا پاروں دن بدن مریض تیزی نال ودھ دے جا رہیے نیں ،تے اج دے دن وچ 17ہزار مریض ساہمنے آ گئے نیں جد کہ اج دے دن اندر ہی 418مریض ہلاک ہو گئے نیں،بھارت اندر کورونا وائرس دے مریضاں دی ٹوٹل تعداد 4لکھ73ہزار 105ہو گئی اے جد کہ 14ہزار894مریض ہلاک ہو گئے نیں ،سب توں زیادہ مریض دہلی وچوں نے جس اندر 70ہزار مریض نیں ،دُوجے نمبر تے ممبئی اے ،تے اوس توں بعد مہارا شٹر ا اے ،ایس دی سب توں وڈی وجہ مودی سرکار دی ناقص کارکردگی اے ،ایس ٹائم بھارت کورونا وائرس تو متاثرہ ملکاں اندر دُنیا دا چوتھا ملک بن گیا اے،بھارت اندر پچھلیاں 24گھنٹیاں دے دوران2لکھ 7ہزار871افراد دا کورونا ٹیسٹ کیتے جا چکے نیں

اپنا تبصرہ گھلو